بيقولوا
بيقولوا إن النهار له عينين
والليل يادوبك له إيدين ورجلين
بيقولوا
بيقولوا إمشى جنب الحيط
لا يجى جنبك عدو ولا حتة فتلة خيط
بيقولوا
بيقولوا إمشى عدل يحتار عدوك فيك
أما لو مشيت عوج هتشوف السواد فى لياليك
بيقولوا
بيقولوا كتير وأحنا ولا قلنا
قالوا قولوا نعم وإحنا قولنا
و ولا أكننا موجودين ولا أكننا كنا.......!
دول سرقوا حتى الارض
سرقوا الطين والعرض
وسابونا ياعينى تايهين
فى بحر الزمان لايصين
محنش عارفين رايحيين ولا جايين
حالنا بقى بؤس ياولداه
يصعب على الكافر واللى معه
وهما ولا حاسين
ودايما تلاقيهم مبسوطين
والضحكة من الودن للودن
ولا أكن فيه طين بيتسرق ولا حتى تبن
ياترى أحنا اللى فاهمين ومستهبيلن
ولا هما اللى عارفين الحال ومستعبطين...؟
ريهام رضوان
ليست هناك تعليقات:
إرسال تعليق