صورة مين دى...؟
دخلت فصل أولى إبتدائى وبعد ما خلصت شرح قلت نلعب شوية جت فى دماغى أسألهم صورة مين المعلقة فوق السبورة )طبعا كلكوا عارفين مين ف الصوة( سألت كل واحد لوحده الراجل ده بيشتغل إيه وكانت المفاجئة كالتالى –
ياميس ده مدرس ف المدرسة , لا ده شغال فى المكتبة , لا ده مهندس زراعى ,ده رئيس الوطن العربى , ده رئيس الدنيا , ده رئيس الوزرا , ده ملك مصر, ده رئيس جمهورية مصر )أخيرا حد عرف( .
طيب بتشوفوه ف التليفزيون –
لا التليفزيون بتاعنا مش بيجيبوا خالص , إحنا بقى ياميس كل ما نفتح التليفزيون نشوفوا كتييييييييير....
وإجابات عجيبة سمعتها مقدرتش أمسك نفسى من الضحك على براءة أطفال أفتقدتها مع الكبار ...
ريهام رضوان
هناك تعليق واحد:
السلام عليكم
يبقي انت مدرسة في مدرسة لغات
شفتي انا عرفت
اجمل شيء في الدنيا تتحري مع طفل بس المهم متضحكيش علي كلامه عشان متجلوش حالة من السكات
دمتي بخير
إرسال تعليق