الليل هو عالمى الذى اتوج نفسى فيه كملكة على حجرتى لافعل ما اشاء دون اى ضغوط من المجتمع او تعليقات سخيفة من الاخرين ومع ذلك يرفض من حولى تركى بسهولة فانا اعيش حياتى لاقنعهم بإ ننى احب الجلوس وحيدة ...
السكات
حزن فرح دفين
الضحكة
مالها صوت ضاع مع السنين
الذكريات
أمل رمادي شبحه مات أما أتولد
القلب
دقاته طالعه من الكبد
الزمن
شاف كتير وشال
البحر
أمواجه وجع وزبده دموع محتارين
القمر
حلم عشاقه
الليل
ف حضن النجوم سحره
الأرض
ترابها غذي عقولنا
الشجر
مد جذوره من سنين
الإنسان
ماحد عرفه ولا هيعرفه
غدره يهد الزمن
جرحه له دمع بحور
فرحه ألوان منوره
وعقله كورة صغيرة
ريهام رضوان
الحب عشق صداقة الحياة
والدنيا غدارة تحلفك تقول الآه
والإنسان بغدره معجزة زمانه
والصدق مات وسط الظلام
خد معاه بواقي حطام
قلوب وعيون متكسرة
جوة الحياة تاه طريقها
الحب طرق
والعشق حقيقة
وأنت خيال عقلي المجنون
أصرخ بصوت مشجون
تشدك خيوط البعاد
وتقولي لوقانا ماله ميعاد
أضحك بكلامك
دموعي تنزل نار تكويني
والحياة ليه ف مأسي بتديني
حاسة كأني حطام أشياء
ف كل مكان ليا مكان
الذكريات ديدبان
تغزو بدون حسبان
والزمان واقف بعيد
يقولي ده العشق نهاية
وخلاص خلصت الحكاية
تعالي إمضي إنصراف
من كتاب فات خلاص
ده العشق آه بتوجع
قلت وإيه ينفع
حبي مشي خلاص
ليه ما أمضيش ويا الناس
وأدخل جنينة النسيان
إللي شجرها كله دبلان
ومات ويا قلبك يازمان
ريهام رضوان
